أذكار المسلم
حصن المسلم كامل في تطبيق خفيف على موبايلك، يشتغل من غير إنترنت، ومن غير إعلانات ولا اشتراكات ولا جمع لأي بيانات.
أو استخدمه من المتصفح على الكمبيوترالإصدار 1.2 · Android وiPhone · مجاني
في التطبيق
- حصن المسلم كامل: 132 باب و267 ذكر
- عدّاد لكل ذكر مع اهتزاز وانتقال تلقائي للذكر اللي بعده، وتقدّمك في اليوم بيتحفظ
- بحث في كل الأذكار حتى لو كتبت من غير تشكيل
- مفضلة، ونسخ ومشاركة الذكر
- سبحة إلكترونية: 33 أو 100 أو 1000 أو من غير حد
- وضع ليلي، وتكبير الخط، واقتراح الأذكار حسب الوقت
التثبيت على الأندرويد
- اضغط زرار التحميل من موبايل أندرويد.
- افتح الملف بعد ما يخلص التحميل.
- لو الموبايل طلب إذن تثبيت التطبيقات من مصادر غير معروفة، وافق عليه للمتصفح ده بس.
- التطبيق بيعرّفك لوحده لما ينزل تحديث جديد.
التثبيت على الآيفون
نسخة الآيفون بتتثبت بملف تثبيت من غير App Store، وبتظهر على الشاشة الرئيسية بأيقونتها زي أي تطبيق.
- اضغط «تحميل التطبيق للآيفون» من متصفح Safari، واختار «سماح» (Allow).
- افتح الإعدادات (Settings)، هتلاقي فوق «تم تنزيل ملف التعريف» (Profile Downloaded)، اضغط عليه.
- اضغط «تثبيت» (Install) فوق على اليمين، واكتب رمز القفل، وبعدها «تثبيت» تاني.
- هتلاقي أيقونة «أذكار» على الشاشة الرئيسية. افتحها أول مرة وإنت متصل بالإنترنت.
الآيفون هيكتب إن الملف «غير موثّق» (Unverified)، وده عادي لأي ملف تثبيت من برّه App Store. الملف مش بيغيّر أي إعدادات في الجهاز وكل اللي بيعمله إنه يحط أيقونة التطبيق، وتقدر تمسحه في أي وقت من الإعدادات، ثم عام، ثم VPN وإدارة الجهاز.
لوجه الله تعالى
التطبيق ده عملته لوجه الله تعالى، مجاني بالكامل وهيفضل مجاني. مفيهوش إعلانات ولا اشتراكات، ومش بيجمع أي بيانات عن اللي بيستخدمه.
أسأل الله أن يتقبله مني، وأن يجعله صدقة جارية ينتفع بها كل من يذكر الله به.
لوالدي ووالدتي
رَبِّ اغْفِرْ لِي وَلِوَالِدَيَّ. اللهم احفظهما، وبارك في عمرهما وصحتهما، وأعنّي على برّهما، واجزهما عني خير الجزاء، واجعل لهما من أجر هذا العمل نصيبا.
لزوجتي
اللهم احفظها وبارك فيها واغفر لها، واجعل لها من أجر هذا العمل نصيبا. رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ.
وكل من حمّل التطبيق وانتفع به، لا تنسونا ووالدينا من صالح دعائكم.
مصدر النصوص: كتاب حصن المسلم.